Байгаль хамгаалагчдынхаа ажлыг дүгнэлээ

 Увс нуурын ай савын улсын тусгай хамгаалалттай газруудын хамгаалалтын захиргаа 2011 оны 11-р сарын 21-23-ны өдрүүдэд сургалт зохион байгуулж, байгаль хамгаалагчдынхаа ажлыг дүгнэлээ. Сургалтад хамгаалалтын захиргааны дарга, 4 мэргэжилтэн, 18 байгаль хамгаалагч оролцов. Энэ үеэр байгаль хамгаалагчид 2011 оны ажлын тайлан хэлэлцүүлж, үр дүнгийн гэрээний биелэлтийг тооцож, 2012 оны ажлын төлөвлөгөө батлууллаа. 2011 оны ажлын үзүүлэлтээрээ Увс нуурын ДЦГ-ын байгаль хамгаалагч түрүүлж 2-рт Хан-Хөхий нурууны БЦГ-ын байгаль хамгаалагч, 3-р Увс нуурын ДЦГ-ын байгаль хамгаалагч нар хошуучилсан байна.