Сургалтын тухай

Аялал жуулчлалын салбарт ажилладаг хөтчүүд болон аяллын менежерүүдэд зориулсан сургалт бөгөөд мэдлэг мэдээллээ update хийх, харилцан туршлага хуваалцах ахисан түвшний сургалт юм.  

Тур лидер нь олон улсад хүлээн зөвшөөрөгдөх эрүүл мэндийн нийгэмлэг, Улаан загалмай, Улаан хавирган сар нийгэмлэгүүдийн сертификаттай байх ёстой. Аялагч жуулчдад үзүүлэх үйлчилгээнд онцгой ач холбогдол өгдөг, сайтар бэлтгэгдсэн байх нь чухал юм. Аяллын явцад аяллын багт хүлээлт үүсэхээр нөхцөл байдал үүссэн үед хөтөлбөрийн хүрээнд хэрэгжүүлж болох боломжит хувилбаруудыг танилцуулах, аялагчдын аюулгүй байдлыг хангах, өвчин, осол гэх мэт онцгой тохиолдолд ерөнхий журам, аюулгүй ажиллагааны дүрмийн дагуу ажиллах чадвартай байх, байгаль орчны болон соёлын өндөр мэдлэг мэдээллээр хүндлэл хүлээх, улс орны улс төр, байгаль орчин, нийгмийн байдлын талаар аялагчдад зөв тайлбар өгөх нь тур лидер хүний чухал үүргүүд юм.

Жуулчдын биеийн температур, сэтгэл санааны ерөнхий байдлыг ажиглах, аялагчдын хүлээлтийн сэтгэлзүйг ойлгох, үр ашигтай нөхцөлийг бий болгох, үг ярианы бус харилцааг эзэмшсэн байх, аливаа маргаан зөрчилдөөн үүсэхээс өмнө шийдвэрлэх чадвартай байх нь тур лидерийн энгийн үүрэг болно.  

Хог хаягдал болон эрчим хүчний хэрэглээг багасгах, аяллын газруудад нөхөн сэргээлт хийх, хамгаалах ажил хийх, орон нутагт сөрөг нөлөөллүүдийг бууруулах, соёлын өвийн үр ашгийг нэмэгдүүлэх, аливаа хууль бус үйл ажиллагааг таслан зогсооход  хувь нэмэр оруулж ажиллах ёстой.

Эдгээр чадварт суралцах, харилцан туршлага солилцох зэрэгт тус ТУР ЛИДЕР сургалт чиглүүлэгч болох болно. Сургалтыг Mongolian Guide Tour компаний захирал Ч.Буянбадрах санаачлан зохион байгуулж, New Milestone компаний захирал Н.Адъяаболд, Translation компаний захирал Б.Эрдэнэчимэг, Английн Saga, Nomadic Journyes Explore компаний группын ахлагч Г.Ганзориг нар дэмжин хөгжүүлж байна.

• Сургалт хоёр долоо хоног үргэлжилнэ. 
• Ажлын өдрүүдэд 17:00 - 20:00 цагт хичээллэнэ. 
• Хичээлийн хөтөлбөрийг Агуулга цэснээс тодруулж харна уу. 
• Сургалтын төлбөр: 200 000 төгрөг 
• Сертификат олгоно. 

 

Сургалтанд бүртгүүлэх:

• Тус сайтны цэсэнд байх онлайн бүртгэл-ийг бөглөж явуулна.
• Бүртгэлийн асуултанд бүрэн гүйцэд хариулж явуулна.
• Бүртгэл нь сургалтын төлбөр, эсвэл төлбөрийн урьдчилгаа төлөгдсөнөөр баталгаажна.
• Facebook - Guide center хуудасны chat box буюу мессенжер рүү хандана.
• Бүртгэлийн хуудсыг хүлээн авсны дараа тухайн элсэгчдийн хаалттай групп-д нэгдэх урилгыг сургалтын албанаас явуулна.
• Сургалтын хөтөлбөр, суралцагчтай хийх гэрээг сургалтын албанаас явуулна.