Монголын Бурхан шашны тэргүүнээр IX-р богдыг заллаа
Монголын иргэн болоод
удаагүй IX-р богд Жавзундамба хутагтыг Бурхан шашны тэргүүнээр залах ёслол болжээ.
Тэрбээр өнгөрсөн жил Монгол
Улсын албан ёсны иргэн болсон бөгөөд IX-р богд
Жавзундамба хутагт нь 1932 онд Тавдийн Лхас хотын ойролцоо Томсигт төрсөнөөс хойш 4
настайд нь Халх Монголын VIII богд Жавзундамбын хойд дүрээр тодорч, 8 настайдаа гүцэл
сахил хүртэж , Жамбалнамдолчойжижанцан
гэдэг сахилын нэртэй болсон байна. 29 нас хүртлээ номын өргөөнд шавилан сууж байгаад Энэтхэг улсруу дүрвэн гарч , 2010 оноос Монгол улсад заларч ирээд байгаа юм. IX -р Богд Жавзундамба хутагтыг Монголын бурхан шашинтны төвийн тэргүүнээр залж
, тэргүүний тамгыг гардуулсан байна. Уг
ёслолд хамба лам Д.Чойжамц , УИХ-ын
гишүүд , Энэтхэг улсын Элчин сайд Сатбир
Сингх болон Гандантэгчэнлин хийдийн лам хуваргууд оролцсон
юм. Гандантэгчэнлин хийдийн хамба Д.Чойжамц хэлэхдээ “ Манай улс өмнө нь шашин
болоод төрийн 8 Богдоор удирдуулж байсан. Харин миний бие шашны
тэргүүнээр нэлээд хэдэн жил ажиллалаа. Одоо миний багш IX -р Богд Жавзундамбыг бурхан шашинтны тэргүүнээр
залах ёслол болж байгаад сэтгэл өндөр байна ” гэлээ.