Улсын хэмжээнд 551 гол ширгэжээ
Усны
тооллогыг дөрвөн жилд нэг удаа явуулдаг. Үүний дагуу Улсын усны тоо бүртгэлийн
ажлыг өнгөрсөн 6 дугаар сарын 6-ны өдрөөс 7 дугаар сарын 20-ны өдрийг хүртэл
орон даяар зохион байгууллаа. 54 ажлын хэсэг, 1586 хүн оролцсон энэхүү тоо
бүртгэлийн ажлын дүгнэлт урьдчилсан байдлаар гарсан байгаа бол нэгтгэгдсэн дүн
11 дүгээр сарын 15-ны дотор БОАЖ-ын сайдын зөвлөлөөр хэлэлцүүлж баталснаар
олон нийтэд мөн танилцуулах аж. Энэхүү тооллогоор гол 551, нуур 483, булаг 1587
ширгэсэн байна. Энэ дашрамд дуулгахад энэ удаагийн тооллого өмнөх өмнөх
жилүүдийнхээс улам нарийвчилсан байдлаар тоологдсон байгаа аж.