“UB Art Fair-2011” үзэсгэлэн гарч байна
2009 оноос эхлэн уламжлал болон зохион байгуулагдах болсон “UB Art Fair-2011” үзэсгэлэн гурав дахь жилдээ зохион байгуулагдаж байна. Уг үзэсгэлэн нь “Нийслэл хот” үүсэн байгуулагдсаны 372 жилийн ойг угтан нийслэл хотод хүрэлцэн ирж буй гадаад, дотоодын жуулчид, олон нийтийн сонирхлыг татах, мөн соёлын аялал жуулчлалыг хөгжүүлэх зорилгоор гарч байгаа билээ. “UB Art Fair-2011”-аас мэргэжлийн болон чөлөөт уран бүтээлчид, их, дээд сургуулийн оюутан залуус өөр өөрсдийн бүтээлийн дээжийг дэлгэж байгаа бөгөөд уран зураг, уран баримал, уран бичлэг, гар урлал, бэлэг дурсгал, арьсан урлагийн чиглэлийн олон бүтээлүүдийг сонирхож болох юм. Үзэсгэлэн Занабазарын нэрэмжит дүрслэх урлагийн музейд энэ сарын 17-ыг хүртэл гарах ажээ.