Ардын бүжигчид “Гран при”-тэй ирлээ
Ази,
Номхон далайн бүс нутгийн орнуудын үндэсний гоцлол бүжгийн олон улсын “Венок
дружбы” уралдаанд манай бүжигчид амжилттай оролцоод ирлээ. Энэ нь ОХУ-ын Соёлын
яамны ивээл дор болдог, жилээс жилд цар хүрээ нь тэлж буй мэргэжлийн бүжигчдийн
олон улсын уралдаан юм. Улаан-Үдэд өнгөрсөн сарын 25-наас 29-нд болсон энэхүү
уралдаанд ОХУ, БНХАУ, Монгол зэрэг арваад орны бүжигчид үндэсний бүжгээрээ өрсөлдөж,
эхний байруудыг манай уран бүтээлчид авчээ. Тухайлбал, ЦДБЭЧ-ын гоцлол бүжигчин
Х.Юүлэхорол гран при хүртэж, СУИС-ийн Бүжгийн урлагийн тэнхимийн III дамжааны
оюутан Д.Ариунболд, IV дамжааны оюутан А.Мөнгөнчимэг нар хоёрдугаар байрт
шалгарчээ.