Музейнүүд үнэ төлбөргүй үйлчилнэ
Өнөөдөр Дэлхийн аялал жуулчлалын өдөр тохиож байна. Энэ өдөр БОАЖЯ, АЖҮТ-өөс төрийн болон ТББ-уудтай хамтран олон арга хэмжээ зохион байгуулахаар төлөвлөжээ. Тухайлбал, нийслэл хотод үйл ажиллагаа явуулж буй томоохон музейг гадаад, дотоодынхонд үнэ төлбөргүй үзүүлж, Бурхан багшийн цэцэрлэгт хүрээлэнгийн музейг нээх юм байна. Мөн тэдгээрийг олон нийтэд танилцуулж, аялал жуулчлалын мэргэжил сурталчлах өдөрлөг, “Гранд тур” улсын уралдааны ялагчдад шагнал гардуулах юм байна.