Нойтон цас орж, эрс сэрүүснэ
“Малчид, тариаланчдын анхааралд” гэсэн сэрэмжлүүлэх мэдээ Ус, цаг уурын хүрээлэнгээс ирлээ. Өнөөдөр, маргааш газар тариалангийн бүс нутгаар их хэмжээний нойтон цас орж, эрс сэрүүсэхийг цаг уурчид анхааруулж байна. Энэ сарын 27-ноос аравдугаар сарын 1 хүртэлх цаг агаарын урьдчилсан төлөвийг дуулгая. Маргааш Монгол орны төв хэсгээр, 28- нд нутгийн зүүн хагаст, 29-нд зүүн зүгийн нутгаар хур тунадас орно. Салхи маргааш ихэнх нутгаар, 28-нд говь, талын нутгаар секундэд 16-18 метр хүртэл ширүүсэж, шороон шуурга шуурна. Эрс сэрүүсэж, Алтай, Хангай, Хөвсгөл, Хэнтийн уулархаг нутгаар шөнөдөө 6-11 градус хүйтэн, өдөртөө 0-5 градус дулаан, говийн бүс нутгаар шөнөдөө хоёр градус хүйтнээс гурван градус дулаан, өдөртөө 9-14 градус дулаан, бусад нутгаар шөнөдөө 3-8 градус хүйтэн байх юм байна.