Улаанбаатарт эрс сэрүүсч, бороо орно
Малчид, тариаланчид, ард иргэдэд зориулсан есдүгээр сарын 6-ны цаг агаарын урьдчилсан мэдээгээр өнөөдөр ихэнх нутгаар бороо орж, сэрүүхэн байна. Нутгийн зүүн хагаст үүлшинэ. Ихэнх нутгаар бороо, уулархаг нутгуудаараа нойтон цас орно. Салхи хойноос секундэд 6-11 метр, говь болон зүүн зүгийн нутгийн зарим газраар түр зуур секундэд 16 метр хүрч ширүүснэ. Эрс сэрүүсч Хангай, Хөсгөлийн уулархаг нутгаар 4-9 градус, Алтайн өвөр говь болон говийн нутгийн өмнөд хэсгээр 18-23 градус, бусад нутгаар 8-13 градус дулаан байна. Улаанбаатар хотод үүлэрхэг. Бороо орно. Салхи хойноос секундэд 6-11 метр. Эрс сэрүүсч 8-10 градус дулаан байна.