Энэ 7 хоногоос сэрүүснэ
Малчид, тариаланчид, ард иргэдийн анхааралд гэсэн
сэрэмжлүүлэх мэдээ Ус цаг уурын хүрээлэнгээс иржээ. Айлчилж буй долоо хоногт манай
орны ихэнх нутгаар тэнгэр эрс муудахыг онцгойлон анхааруулж байна. Энэ сарын
9-нийг хүртэлх тав хоногийн цаг агаарын урьдчилсан төлөвөөр өнөөдөр баруун
болон төвийн нутгийн зарим газраар, маргааш ихэнх нутгаар, 7-нд зарим газраар,
8-нд нутгийн баруун өмнөд хэсгээр бороотой. 7-ноос уулархаг нутгаар нойтон цас
орно. Салхи өнөөдөр зарим газраар, маргааш говь талын нутгаар секундэд 18-20
метр хүрч ширүүснэ. Өнөөдрөөс нутгийн баруун хэсгээр, цаашдаа ихэнх нутгаар
өнгөрсөн долоо хоногийнхоос 5-15 градусаар сэрүүсэж, Алтай, Хангай, Хөвсгөл,
Хэнтийн уулархаг нутгаар шөнөдөө 3-8 градус хүйтэн, өдөртөө 4-9, говьд шөнөдөө
7-12, өдөртөө 15-20 градус дулаан, бусад нутгаар шөнөдөө -1 градус хүйтнээс +4
градус дулаан, өдөртөө 9-14 градус дулаан байна гэжээ.