“Сэрсэн тал” наадам болно
Нүүдэлчдийн соёл урлагийг сурталчлах, наадмын соёлын үйлчилгээ, соёл урлагийн арга хэмжээг өргөтгөх зорилготой зохиогддог “Сэрсэн тал” соёлын наадмыг дөрөв дэх жилдээ Хүй долоон хутагт энэ сарын 11-12-нд зохион байгуулахаар болжээ. Тус наадмын үеэр Монголын соёл урлаг, гар урлалыг сурталчилж нум сумын харваа, уран бичлэг, эсгий урлаг, ардын аман зохиолын өртөөг ажиллуулах ажээ. Мөн “Салхийг мэдрэхүй”, Монгол-Солонгосын уран бүтээлчдийн хамтарсан орчин үеийн дүрслэх урлагийн бүтээлийг наадамчдад толилуулах юм байна.