Баяр наадмын арга хэмжээ “Монгол гэрийн өдөр”-өөр эхэллээ
Их Монгол Улс байгуулагдсны 805 жил, Ардын хувьсгалын 90 жилийн баярын арга хэмжээ өнөөдөр эхэлж байна. Өөрөөр хэлбэл, түүхт олон ой давхацсан энэ жилийн баяр наадмыг өргөн хүрээнд тэмдэглэн өнгөрүүлэх үүднээс зохион байгуулах хорооноос Сүхбаатарын талбайд "Монгол туургатны соёлын өдрүүд" тусгай арга хэмжээг зохион байгуулахаар болсон билээ.
Уг арга хэмжээний эхлэл болох "Монгол гэрийн өдөр" өнөөдөр болж байна. Харин маргааш "Монгол цагаан идээний өдөр"-ийг зохион байгуулах юм. Уг үйл ажиллагаанд Монгол Улсын Ерөнхийлөгч Ц.Элбэгдорж оролцох ажээ. Ирэх пүрэв гаригт "Монгол бичгийн өдөр"-ийн арга хэмжээ болох бөгөөд энэхүү үйл ажиллагаанд Ерөнхий сайд С.Батболд оролцох юм байна. Түүнчлэн энэ сарын 8-нд "Монгол язгуур урлагийн өдөр", 9-нд "Монгол хувцасны өдөр"-ийг тус тус зохион байгуулахаар болжээ.