Америкийн эрдэмтэд Чингис хааны булшийг хайж байна
АНУ-ын National geographic нийгэмлэг, Сан Диего дахь Калифорнийн их сургуулийн сурагчид хамтран Чингис хааны булшийг хайж байгаа тухай “Washington Post” сонинд нийтлэгдсэн байна. “Хааны хөндий” нэртэй энэ төслийг Альберт Лин хэмээх америк эр удирдаж байгаагаас гадна 700 гаруй хүн энэ хайгуулд оролцож байгаа гэнэ. Судалгааны багийнхан хиймэл дагуулаас авсан манай улсын 85000 орчим газрын зургийг судлах ажлыг дээрх дурьдсан 700 гаруй хүнд хуваарилсан байна. Тус судалгааны багийнхан өнгөрсөн зун манай улсад ирж, дээрх бүс нутгийг судалсан ч үр дүнд хүрээгүй ажээ.