Төсөөллийн аялагч Тэмүүжин
Арав гаруй орны аялагчид их говийг тэмээтэй хөндлөн туулах “Говь 2011” нэртэй аялал хийхээр бэлтгэлээ базааж байгаа ажээ. Аяллын багт Тэмүүжин нэртэй төсөөллийн аялагч нэмэгдэж байгаа тухай тус аяллын цахим хуудаснаа нийтэлжээ. Төсөөллийн гишүүнийхээ зургийг тус сайтад байршуулж “Би бол Тэмүүжин. Олон хүн намайг Чингис хаан нэрээр минь мэддэг. Өнөөдрөөс эхлэн би “Говь 2011” аяллын багийн төсөөллийн гишүүнээр элсэж, Монголын тухай сонирхолтой мэдээллийг хүргэх болно” хэмээн бичжээ.