Музейн ажилтнууд номын дуу сонсож байна
Орон нутгийн музейн ажилтнуудыг мэргэшүүлэх зорилгоор Засгийн газрын хэрэгжүүлэгч агентлаг Соёл, урлагийн хороо санаачлан Японы элчин сайдын яам, Монголын үндэсний музейтэй хамтран сургалт зохион байгуулж байна. Сургалт энэ сарын 12-22-нд Өвөрхангай аймгийн Хархорин суманд орших Хархорум музейд явагдах юм. Япон Улсаас музейн мэргэжилтэн багш Аоки Шигео, Кобаяши Коүжи нар музейн ажилтнуудад “Соёлын өвийн хамгаалалт, сэргээн засварлалт” гэсэн сэдвээр лекц уншжээ.