Нийслэл хотыг зорин ирж буй жуулчдад соёлтой, шуурхай үйлчилгээг хүргэх, Улаанбаатар хотын автозамын ачааллыг зохицуулахаар нэмэлт арга хэмжээ авахаар болжээ.

Тус захирамжаар

• 8-аас дээш хүний суудалтай, жуулчин тээвэрлэх зөвшөөрөл бүхий автобусыг улсын дугаарын хязгаарлалтгүй замын хөдөлгөөнд оролцуулах
• хүнсний түргэн гэмтэх, эмзэг бүтээгдэхүүнээс өдөр тутмын хэрэгцээний сүү, талх тээвэрлэх аж ахуйн нэгж, байгууллагын зориулалтын ачааны автомашинуудыг 12:00 цаг хүртэл дугаарын хязгаарлалтаас чөлөөлөхөөр тогтлоо.

Мөн жуулчин тээврийн үйлчилгээний автобусны зориулалтын зогсоолыг:

• Их эзэн Чингис хааны нэрэмжит талбайн урд хэсэгт
• Монголын Бурханы шашинтны төв “Гандантэгчэнлин хийд”
• “Бурхан Багшийн цэцэрлэгт хүрээлэн”-гийн талбайд түр хугацаагаар байгуулж, замын тэмдэг, тэмдэглэгээ, тохижилт хийнэ.

Жуулчдад чиглэсэн энэхүү зохицуулалтыг Нийслэлийн Иргэдийн Төлөөлөгчдийн Хурлаас баталсан “Найрсаг Улаанбаатар” хөтөлбөрт заасны дагуу хийж байгаа юм байна.

Эх сулвалж: gogo.mn