Хөвсгөл аймагт газар хөдөлжээ.
Оросын хилээс 20 км зайтай, Монголын баруун нутгаар 4.2 магнитудын хүчтэй
газар хөдөлсөн талаар ОХУ-ын Геофизикийн албанаас мэдээлжээ. Энэ талаар Онцгой
байдлын ерөнхий газраас тодруулахад “Өнгөрсөн 10-ны өдрийн өглөө Хөвсгөл
аймгийн Цагаа нуур суманд 3.6 магнитудын хүчтэй газар хөдлөлт болсон.
Тодруулбал, тус сумын хоёрдугаар багийн нутаг, Ренчинлхүмбэ уулын ойролцоо
газар хөдөлсөн ч хүн амьтанд ноцтой нөлөөлж мэдрэгдээгүй байна” хэмээн
мэдээллээ. Дашрамд дурдахад тус бүс нутаг нь газар хөдлөлтийн идэвхитэй бүсэд
оршдог бөгөөд өмнө нь хэд хэдэн удаа газар хөдөлж байжээ.