2014 оны  1 дүгээр  сарын 24-25-ны өдрүүдэд Улаанбаатар хотын Блү Скай зочид буудлын Даймонд танхимд Соёл, спорт, аялал жуулчлалын яамны урилгаар Дэлхийн аялал жуулчлалын байгууллагын төлөөлөгч, Токиогийн Метрополитан Их Сургуулийн профессор Ёшиаки Хомпо “Монгол Улсын Аялал жуулчлалын тухай хуулийн шинэчилсэн найруулга”-ын төсөлд  зөвлөгөө өгч, сургалт зохион явуулах гэж байна.

Уг сургалтаар Япон Улсын Аялал жуулчлалын тухай хуулийг танилцуулж, батлах үеийн туршлагаас танилцуулах юм.

Аялал жуулчлалын тухай хуулийн давхардал, хийдэл, зөрчлийг арилгах, Аялал жуулчлалын үйл ажиллагааг тусгай зөвшөөрөлтэй болгох,  уг зөвшөөрлийг Аялал жуулчлалын асуудал эрхэлсэн төрийн захиргааны төв байгууллага олгохоор хуульчлах, бодит мэдээллийн санг бий болгох, түүн дээр үндэслэн Аялал жуулчлалын гол бүсүүдэд  бүсчлэлийн дүрэм тогтоохыг хуульчлах, тухайн бүс нутгийн хувьд хамгийн бэрхшээлтэй отоглох, хог хаягдлын асуудал, амрагчдын дагаж мөрдөх журам, нутгийн брэнд бүтээгдэхүүн бий болгох, жуулчны баазуудын дизайныг тогтоох зэрэг асуудлуудыг хөндөн ярилцана.

Мөн тур оператор, травел агентийн эрх үүргийг тодорхой болгох, зочлох үйлчилгээ буюу зочид буудал, жуулчны бааз, гэр буудал, дэн буудлын эрх  үүргийг зааглан, тодорхой болгох, Хөтөч-тайлбарлагчийн сургалт,  сонгон шалгаруулалт, мэргэжлийн үнэмлэх, гэрчилгээ олгох үйл ажиллагаа, ур чадварын зэрэглэлийг нарийн зааглах, Жуулчны үйлчилгээний стандартыг хэрэгжүүлэх, ангилал, зэрэглэл тогтоох механизмыг нарийвчлан хуульчлах зэрэг асуудлаар мэргэжлийн салбарынхантай ярилцаж хэлэлцүүлэг өрнүүлэх, олон нийтэд аялал жуулчлалын хуулийг танилцуулах зорилготой зохион байгуулагдаж байна.

СУРГАЛТЫН ХӨТӨЛБӨР