Хэсэг залуус санаа бодлоо нэгтгэн Их эзэн хааны театр хэмээх нэгэн байгууллагыг байгуулж, тайзны урлагийг хөгжүүлэхэд өөрсдийн хувь нэмрээ оруулахаар сэтгэл шулууджээ.

Тэдний зорилтот ажлын эхлэл болох Рояал тоглолтоо 2013 оны 4 дүгээр сарын 3-ны өдөр үзэгч түмэндээ толилуулахаар бэлтгэж байна.

Дэлхийн урлагийн  хөгжил бол хүмүүний сэтгэлгээний хөгжил юм. Урлагийн урсгал, төрөл жанр нь ч цаг үеэ даган өөрчлөгдөж байдаг. Зах зээлийн шуурганаас үүдэн Монголын тайзны урлагийн хөгжил өнөөдөр нэг алхамаар дэлхийн хөгжлөөс хоцорч буй байдлыг халсан, модерн урсгал, шинэ үе, 21 дүгээр зууны урлагийн чиг хандлага, сэтгэлгээний хувьсалыг танд мэргэжлийн өндөр түвшинд, жинхэнэ утгаар нь мэдрүүлсэн нэгэн тоглолт үзэгч таныг хүлээж байгааг дуулгахад таатай байна.

Рояал концерт нь сонгодог болон модерн бүжгийн тоглолт бөгөөд энэ тоглолтонд та саатан морилсноороо сонгодог урлагийн тансаг мэдрэмж, модерн бүжгийн сэтгэлгээний мэдрэмж энэ бүгдийг нэг цаг мөчид мэдрэх болно.

Энэхүү тоглолтонд найруулагч  Д.Дашлхагва, Уран сайхны удирдагч Б.Төгөлдөр, Их Эзэн Хааны Театрын жүжигчид болон гадаадын жүжигчид оролцон тоглоно. Их эзэн хааны театр нь Рояал тоглолтынхоо дараа тун удахгүй  нэгэн уран бүтээлээр бэлэг барих гэж байгаа гэнэ шүү.