Өнөөдөр номын баяр болно
Өнөөдөр номын баярын өдөр. Уг баярт
зориулсан арга хэмжээ Улаанбаатар бизнес хөгжлийн төв буюу бидний мэдэхээр
Улаанбаатар хотын банкны үзэсгэлэнгийн танхимд нээлтээ хийх юм. Жил жилийн
номын баяр өөрийн гэсэн онцлогтой болдог бөгөөд өнөө жилийн онцлог нь шинээр
хэвлэгдсэн номууд уншигчид болон үзэсгэлэнг сонирхогчдын хүртээл болох юм
байна. Номын баяр гурав хоногийн турш үргэлжилнэ. Энэ үеэр хуучны ховор номын
худалдаа, зохиолчдын гарын үсэгтэй номуудыг тавин хувийн хямдралтай үнээр авч
болох гэнэ.
Орчуулагч Ж.Нэргүйн “Ленин” хэмээх шинэ номын нээлт болох аж. Мөн “Глоб интернэшнл” төрийн бус байгууллагаас “Блэк Бокс” театрт уншигчийн театрын тоглолт зохион байгуулахаар болжээ.