Төмөр зам тавихаас өмнө түүхэн дурсгалт газруудад малталт хийнэ
ОХУ-ын Тува улсын нийслэл Кызылээс Курагино чиглэлд
тавихаар төлөвлөж буй 400 км төмөр замын дагууд Австри, Бельги, Франц, Хятад,
Монгол зэрэг 10 орны архелогоч, судлаач, сайн дурынхнаас бүрдсэн баг археологийн
малтмал хийх гэж байгаа талаар Оросын цахим хуудсуудад мэдээлжээ.
“Хаадын хөндийн нууц” нэртэй хайгуул, малтмалын багийнхан Хятад, Монголын нутгаар дайран өнгөрдөг байсан эртний худалдааны замын дагуу байрлах гэнэ. 150-иад орны мэргэжилтэн, сайн дурынхан энэхүү ажилд оролцохыг хүсэж, мэдүүлгээ ирүүлснээс 10-ыг нь сонгон, шалгаруулсан юм байна. Олон улсын хэмжээнд зохион байгуулах уг ажилд Монголоос чухам хэн хэн оролцох талаар ШУА-ийн Археологийн хүрээлэнгээс тодруулахад “Кызылээс Курагино чиглэлд малталт хйих гэж байгаа тухай бид сонссон. Гэхдээ энэ тухай манайд албан ёсоор хандаагүй” гэжээ.