Дотор эрхтэнтэй нь занданшуулсан хүүхдийн шарил олджээ
БНСУ, Израилийн судлаачдын баг дотор эрхтнийх нь хамт хатааж, занданшуулсан хүүгийн шарил олсноо судалж, шинжлээд XVI зуун буюу Чусоны хаанчлалын үед хамаарахыг тогтоожээ. Тэрхүү шарилд ДНХ-ийн шинжилгээ хийхэд хүүхдийн элэгнээс В вирусийн С2 ген илэрсэн байна. Уг вирусийг өнөөгийн хүмүүсийн элгийг өвчлүүлж буй “садан”-тай нь харьцуулан судлах боломж нээгдсэн нь анагаах ухаанд их дэвшил авчирна хэмээн үзэж байна. Дашрамд дуулгахад ДЭМБ-ын судалгаагаар дэлхийн 400 сая иргэний элгэнд “тухалсан” В вирус 3000 жилийн тэртээд бий болсон хэмээдэг аж.