Владимир Александрович Та эрүүл энх урт удаан наслаарай
Хүн сансанрт анх ниссэний 51 жилийн ой энэ онд тохиож буй. Энэ хугацаанд 38 орны 500 гаруй хүн сансарт зочилжээ. Монгол улс сансарт нисгэгчээ илгээсэн 10 дахь орон бөгөөд Ж.Гүррагчаа дэлхийн 101 дэх сансрын нисгэгч болсон билээ. Тэрбээр 1981 оны гуравдугаар сарын 22-нд ЗХУ-ын сансрын нисгэгч Владимир Жанибековын хамт “Союз 39” хөлгөөр нисэж, сансарт долоо хоног ажиллахдаа дэлхийг 124 удаа тойрсон билээ.
Дэлхий орчмын сансрын тойрог замд таван удаа нислэг хийсэн В.Жанибеков 1942 оны тавдугаар сарын 13-нд мэндэлжээ. Өчигдөр түүний 70 насны ой тохиож байгаа бөгөөд БНМАУ-ын баатар Ж.Гүррагчаа түүнд бүх Монгол ард түмний нэрийн өмнөөс төрсөн өдрийн мэнд хүргэж утасаар ярилаа.