- Архангай аймгийн Төвшрүүлэх суманд уул уурхайн үйл
ажиллагаа явуулж буй “Бэрэн майнинг” ХХК-д 2011 онд ус ашигласны төлбөр
барагдуулах, 2012 онд ус ашиглуулах дүгнэлт гаргуулахдаа гүйцэтгэсэн байх
шаардлагатай арга хэмжээний талаар зөвлөж, шаардлагыг усны газраас хүргүүлжээ.
- БОАЖ-ын Д.Цогтбаатар БНСУ-ын “Ногоон Ази” ТББ-ын Ерөнхий
нарийн бичгийн дарга У Ги Чүл, Дундговь аймгийн Засаг дарга Д.Чандмань нартай
уулзжээ. Энэ үеэр тус аймгийн Сайнцагаан сумын нутагт хэрэгжүүлж буй
ойжуулалтын ажлын явц болон Сүм хөхбүрдийн баянбүрдэд ойжуулалт эхлэх боломжийн
талаар санал солилцлоо.
- Хэнтий аймгийн БОАЖГ, Боловсрол соёлын газар, Мэргэжил
сургалт, үйлдвэрлэлийн төв хамтран “Экологи-2012” анхдугаар олимпиадыг
ЕБС-ийн сурагчдын дунд зохион байгуулахаар болов. “Хөрсний бохирдол доройтлыг
бууруулах, сэргээх арга зам” сэдвийн хүрээнд өрнөх олимпиадыг цаашид жил бүр уламжлал
болгон хийхээр төлөвлөсөн байна.
