Харгис жигүүртэн
Дэлхийн хамгийн хэрцгий амьтны нэгд жигүүртний
төрлөөс элээ ордог байна. Уг нь элээ махчин шувуудын төрлөөс биеэр хамгийн
жижигт тооцогддог. Гэвч бусдаас илүү хэрцгий бас их ховдог. Идэш тэжээл, хоол
хомс үед тэр өөрийнхөө ангаахайг барьж иддэг жигүүртэн.
Түүний хошуу хурц учир хоёр гуравхан удаа тоншиход л дэгдээхэй нь тэр дороо амьсгал хураадаг байна. Өд сөд нь ч ургаж гүйцээгүй бяцхан хүүхдээ тэрбээр зовох юмгүй залгиж орхино. Түүнчлэн махчин шувууд бусад жигүүртнээр хооллохдоо өд сөдийг нь цэвэрлэж иддэг байна. Харин элээ өд сөдтэй нь хамт шууд л зооглочихдог гэнэ. Ингэж ховдоглосноосоо болж хахаж үхэх тохиолдол ч байдаг аж.