Кельт хөгжим
Эртний домог, туулсыг хүүрнэх мэт кельт хөгжим бол Ирланд, Шотландын нэрийн
хуудас билээ. Баруун европын кельт үндэстнүүдийн
хөгжилтэй наргианч зан, романтик чанар нь ардын хөгжимд нь тусгалаа олсон
хэмээн хөгжим судлаачид үздэг. Босоо ятга, бишгүүр, хийл, гитартай хоршсон уг
хөгжим голдуу хайр дурлал, эрх чөлөө, эх оронч үзлийг магтан дуулдаг юм.
Европт хэдэн зуун жилийн турш үргэлжилсэн аян дайн, өлсгөлөн, ядуурал ч кельт хөгжимд гунигт хэмнэл нэмсэн гэдэгтэй ихэнх хүн санал нэгддэг. Кельт нь өдгөө Ирланд, Шотланд, Уэльсийн хилээс хальж, рок поп, жааз, фюжн, урсгалтай сүлэлдэн орчин үеийн шинэ хөгжим бий болгожээ.