Өгий далай жуулчны бааз нь 2006 онд байгуулагдсан бөгөөд монгол ёс заншил, соёл урлаг, үзэсгэлэнт байгаль, түүхэн дурсгалт газрууд, Өгий нуурыг сурталчлан таниулах зорилгоор үйл ажиллагаагаа явуулж ирсэн. 2022 он хүртэл 10420 дотоодын амрагч, 5000 гаруй гадаадын жуулчдыг хүлээн авсан. Аялагч жуулчдад амрах тав тухтай орчин, амт чанар сайтай мэргэжлийн тогоочийн хоол, чанартай, соёлтой үйлчилгээг үзүүлэхийг зорин ажилладаг. 

Моторт завь болон сэлүүрт завиар аялах, загасчлах, явган аялах, гүүний саам уух, малчин айлд зочлох, нуурын эрэгт наран шарлага хийх, од ажиглах, сагсан бөмбөг болон гар бөмбөг тоглох, хөлбөмбөг тоглох зэргээр чөлөөт цагаа өнгөрүүлэх боломжтой. 

Түүхийн дурсгалт газрууд болох Хархорин хотын түүхэнд холбогдох археологийн дурсгалтай танилцах, Түрэгийн язгууртны дурсгал Хөшөөт цайдамд очих, Орхон Тамирын бэлчирт очих, Өгий нуурын мандлаар аялах, Номын булаг дээр очих, Цогт хунтайжийн балгасыг үзэх зорилгоор орчны бүсэд аялах боломжтой. 

• 60-80 хүн хүлээн авах хүчин чадалтай зоогийн газартай
• Люкс зэрэглэлийн 2 байшинтай (дотроо 00, шүршүүртэй)
• Люкс зэрэглэлийн 4 гэртэй (плитажуулсан шалтай)
• Энгийн 16 гэртэй
• Байгалийн эрчим хүчээр шийдвэрлэсэн 24 цагийн цахилгаан хангамжтай
• Нэг зэрэг 6 хүн ашиглах боломжтой боловсон ариун цэврийн өрөөтэй
• Халуун хүйтэн устай шүршүүртэй. 
• 25 хүний суудалтай задгай пабтай

Өгий далай баазад хүрэх

• Зам 1: УБ - Лүн - Баяннуур - Дашинчилэн - Номын булаг - Өгий нуур маршрутаар 320 км явна. Үүнээс засмал зам 303 км, шороон зам 17 км.
• Зам 2: УБ - Лүн - Эрдэнэсант - Элсэн тасархай - Хархорин - Хөшөөцайдам - Өгийнуур маршрутаар 427 км явна. Үүнээс засмал зам 413 км, шороон зам 14 км.

Facebook: Өгий далай жуулчны бааз
Утас: 99058699, 80272299, 80812299
E-mail: suren_ts699@yahoo.com
Website: www.ugiinuur.mn