Сайн байцгаана уу? Гайд төвийн 38-р элсэлтийн төгсөгчдийн нэг байна аа. Миний хийсэн хамгийн зөв алхам бол Гайд төвд суралцсан явдал байв. Амьдралд маань 2 дахь шинэ үеийг авчирсан гэж боддог. 45 хоногт өөрийгөө өөрчлөх, мэдлэг боловсролоо дээшлүүлэх, найз нөхдийн хүрээгээ тэлэх, шинэ зүйлд өөрийгөө турших зэргийг амжуулсан. Ажлаа тараад хичээлдээ яаран ирдэг байсан бөгөөд ядарснаа умартан багш нарынхаа хичээлд уусан ордог байсан. Энэ л сургалтаас эзэмшсэн мэргэжилдээ чадвартай байхын утга учрыг олж мэдсэн. Багш маань дэгжин, сайхан хувцасладаг, биеэ гоё авч явдаг байсан нь миний амьдралд үлгэр жишээ болсон. Төгсөгчдөө ажлын байраар хангаж байнга эргэх холбоотой байдаг нь бусад сургалтуудаас ялгагдах давуу талтай. Мөн ямар ч аяллын компанид “Гайд төвийг төгссөн” гэхэд таатай ханддаг нь аль хэдийнэ чанар нь танигдсаны шинж юм. Олон жилийн өмнө төгссөн болохоор одоо дахин нэг суралцаж мэдлэг мэдээллээ шинэчлэх хүсэлтэй байгаа. Төвийн багш нартаа улам өндөр амжилтыг хүсэн ерөөе!

Guide education center-ийн Tour Leader сургалтанд хамрагдсандаа маш их баярлаж байгаа. Би анх сургалт явагдах тухай мэдээллийг уншиж байхдаа л ямар их мэдлэг олж авах, өргөн цар хүрээтэй сургалт болохыг олзуурхан эргэлзэх зүйлгүй бүртгүүлсэн. Өмнө нь Буянбадрах багшийн мэдлэг, ур чадварын тухай магтаалыг мөр зэрэгцэн ажиллаж буй олон хөтөч тайлбарлагч нараасаа сонсож байсан маань улам түлхэц болсон. Эхний хичээлийг сонсонгуут мэл гайхаж, нүд бүлтийж, чих дэлдийн өөрийн эрхгүй 100 хувь хичээлдээ төвлөрсөн. Аяллын хөтөч тайлбарлагч гэдгээс илүү дараагийн түвшин гэж байх ёстойг, тэр түвшний хүн шинжлэх ухаан, нийгэм, түүх соёл, боловсролын гээд олон төрлийн мэдлэгтэй байх ёстойг ухаарсан төдийгүй, тэрийг ажил амьдрал дээр хэрэгжүүлээд явж буй бодит үлгэр жишээ болсон багшаар заалгаж байхдаа би хичээх ёстойгоо, мөн өөрийгөө тийм түвшинд хүргэж болохыгоо ойлгож, урам зориг авсан.  Хичээлийн агуулга тэр бүр ном товхимолд байхгүй амьдрал дээр тохиолдсон явдал, практик дээрх нарийн гарц, гаргалгаануудыг хэлж өгсөн нь сургалтын дараа шууд ажил хэрэг болгохоор санагдсанд талархаж байв. Тус сургалтыг санаачлан зохион байгуулсан Буянбадрах багш болон бусад багш нартаа баярлалаа. Хүндэтгэсэн Ариунзаяа Буян-Эрдэнэ.

5-р сарын 4-нөөс 15-ны хооронд Тур лидерийн сургалтанд суусан. Уг сургалт нь Зүүм программ лээр явагдсан бөгөөд танхимд суугаад лекц сонсохоос огт ялгаа байгаагүй. Ингээд сургалтын талаар хэдэн зүйл энд хэлэхийг хүслээ. Нэгдүгээрт, Буянбадрах багш маань яг цаг үеэ олсон сургалтыг зохион байгуулсан. Хоёрдугаарт, Уг сургалт маань маш их мэдээллийг агуулсан үр өгөөжтэй, олон олон бизнес санаагаар цэнэглэгдсэн онгод хөглөсөн сургалт байлаа. Гуравдугаарт, Уригдаж хичээл заасан багш нарын туршлага арвин ярих юм ихтэй, ёстой л нөгөө мөлжүүртэй  мэдлэгтэй хүмүүс байсан. Эцэст нь Гайд төвийнхөндөө амжилт хүсье. Цаашид олон олон үр өгөөжтэй сургалтыг зохион байгуулж, Монголд маань аялал жуулчлалын салбар хөгжихөд өөрийн гэсэн орон зайгаа эзэлж улам олон лидерүүдийг бэлтгээрэй хэмээн хүсье.